NIA para 17 PLFI members ke chargesheet file

Jharkhand: Thursday din National Investigation Agency (NIA) para koishe ke, Peoples’ Liberation Front of India (PLFI) laga 17 members manuh oper te extortion case nemite charge sheet filed korishe. NIA spokesperson para koishe ke, anti-terror probe agency para charge sheet toh Special NIA Court in Ranchi te Thursday din filed korishe, etu case Bihar aro Jharkhand te toh17 PLFI members logot filed korikena ase koishe. Charge sheet te nam samil thaka khan toh Aman Sahu, Pradip Ganjhu, Santosh Ganjhu, Bihari Ganjhu, Sakender Ganjhu, Pramod Ganjhu, Babulal Turi, Ajay Turi, Santosh Kumar aka Banti Yadav, Prabhat Kumar Yadav aka Dimple Yadav, Pritam Kumar aka Chiku, Santosh Kumar Yadav, Jasim Ansari, Wasim Ansari, Majibul Ansari aro Jahiruddin Ansari ase. Etu manuh khan ke Indian Penal Code, Arms Act, Explosive Substance Act, aro Unlawful Activities (Prevention) Act pithor alag-alag section te charged korishe. Official para janaishe ke, case toh jowa saal December 19 darik Jharkhand’s Latehar te Checkpost No. 1 Central Coalfields Ltd, Tetariyakhad Colliery te terrorist kam kora nemite registered korishe. Etu manuh khan para 4 trucks, 1 motorcycle aro 4 jun civilians jokom kori thishe. NIA para etu case oper te etu saal March 4 darik te case toh sai-ase. Offcial para aro koishe ke, case toh jana beche gangsters Sinha aro Sahu toh notorious gangster Shahrukh aro dosura accused Pradeep Ganjhu logot melikena aro alag-alag terrorist gangs TPC aro PLFI members logot samil korikena tai khan laga criminal aro terrorist kam tangor hoikena jaishe. “etu terrorist gang khan para sophisticated automatic weapons loikena aro etu oper  AK-47s thurikena maiki ke moraishe aro coal transportation jaga te poisa lothi thakishe,” koikena officials para janaishe.