Seoul, 09 October: Tuesday deh South Korea’s presidential office pora janaideya hesab deh, North Korean leader Kim Jong Un pora Pope Francis logode Pyongyang jaga de log koribole invite korise. Blue House spokesman Kim Eui-kyeom pora North Korea aro Vatican toh formal diplomatic relations nai koise. Ahha hapta Europe de jaa time deh South Korean President Moon Jae-in pora Kim’s invitation toh Francis logode log kora time de janaidebole ase. Korean peninsula deh phal pora thakibo karni aro ashirwat aro motob pabo karni President Moon toh Oct 17 aro 18 direk deh Vatican jabole ase. Tai ketya Pope Francis logode log koribo etu time deh Chairman Kim’s laga message Pyongyang de ahhibole laga toh sure janaidebole ase. Jowah moina Moon aro Kim summit thaga time deh Kim pora pope logode log koribole mon ase kowah thakise. Pope pora ahha-sal Japan deh jabole mon ase koise. North Korea’s pora state de komchor nakora tak religion free dom toh dese. Hoilebe state pora worship jaga de control kori kena opor de religious activity toh openly koribole naparibo. 2000 bechide North Korean leader pora pope logode invitation kora toh first time ase. June deh Kim toh U.S. President Donald Trump logode Singapore deh summit thakise aro Korean peninsula laga denuclearisation deh kum kori jabole wada kora thakise. Oct 13 pora 21 tak Moon’s toh Belgium laga Asia-Europe Meeting aro France, Italy aro Denmark debe jabole ase.
Add Comment