Mallorca deh flood pora five jun morise

Agencies, 10 October: Emergency services pora janaideya hesab deh, Tueday rati Mallorca laga island Sant Llorenc jaga deh kathara pani ahha pora flood hoise. Etu pora nai-nai koilebe five manu moraidese.  Local media hesab deh, nai-nai koilebe 12 manu hari kena ase. Hoilebe emergency services pora etu khobor toh najanaideya thakise. Regional government pora emergency meeting mata thakise aro authorities pora rescue workers aro military units toh hatsa howah area deh motob koribole jaise koise. Twitter deh Prime Minister Pedro Sanchez pora kowah toh, tai laga solidarity aro support toh mora laga families aro sathi logode ase aro flood pora affect howah sob manu logode ase. Tai laga official pora kowah toh, Sanchez toh Wednesday rati hatsa howah jabole plan kori ase.