Srinagar: Tuesday din Kulgam laga Brazul area, South Kashmir te suspected militants khan para BJP leader ke jun ke moraishe koishe. Javid Ahmad Dar toh BJP logot melikena thakishe aro tai toh Homeshalibugh, Kulgam District te constituency-in-charge thaka ase, koikena khobor para janaishe. Sepai khan para etu jaga toh bondh korikena ase. Ek hafta pithor te etu neshina hatsa howa toh tui(2) paar wala ase. Ek hafta ake te dosura BJP leader aro tai laga maiki ke Anantnag te be morai thishe. BJP para Ahmad Dar ke morai deya toh besi beya kam kora ase koishe. Ami khan laga party manuh kam kora toh ketai be napowribo. Etu Anti-national elements khan beya kam kora te ketai be kamyaab nahobo,” koikena BJP’s Ashok Koul para janaishe. PDP president Mehmooba Mufti para be BJP leader Javaid Dar ke morai deya nemite kelaaf korishe aro etu neshina kam toh kaun jaga te be nai. Dar laga ghor manuh aro sathi logot mon dukh howa janai ase,” koikena Mehbooba para koishe. August 9 darik te, Ghulam Rasool Dar, Jammu aro Kashmir’s Kulgam district te BJP leader aro maiki ke Anantnag jaga te para moraikena ase.
Add Comment