Chhattisgarh te 12 Lakh Landless Labourers logot hotai saal 6,000 thibo

Raipur: Chhattisgarh government para Gandhi Grameen Bhumihin Majdur Nyay Yojana’ kulishe, etu te 12 lakh landless families logot ₹ 200 crores thiboli junaishe. Etu laga scheme toh July 28 darik te state legislature te Chief Minister of Chattisgarh Bhupesh Baghel junaishe. Etu poisa toh aro financial year 2021-2022 saal laga te supplementary budget te samil korishe. Etu scheme laga ami toh rural landless labourers khan logot minimum wages para motob thikena jeevan toh asani hoboli nemite ase. Beneficiaries khan para etu benefits toh etu finacial saal, March 31, 2022 akhe te paijoboli koishe. Beneficiaries laga families ke hotai saal  ₹ 6,000 thibo. Etu te aro mechanism para beneficiary’s bank account te samil korikena 15 din majot te paijabo, koikena state government para janaishe. Mr Baghel para koishe ke, ami khan para etu scheme toh 1^st samai saikena economic justice nemite bona ase aro etu Chhattisgarh te rural landless labourers nemite ase. Etu scheme para 12 lakh households manuh khan motob paboli ase. ‘Rajiv Gandhi Grameen Bhumihin Majdur Nyay Yojana’ para NYAY (Justice) thikena 12 lakh landless labourers kaun khan poisa para dukh ase tai khan logot motob koriboli ase koikena state government para janaishe. Scheme laga sobse tangor kam toh MGNREGA aro contract workers khan logot sai ase, hoilebi motob toh Chhattisgarh  te beneficiaries neshina barbers, blacksmiths, dhobis (washermen and washerwomen) aro priests nemite ase koishe. ‘Rajiv Gandhi Grameen Bhumihin Majdur Nyay Yojana’ laga beneficiaries khan para portal ‘rggbkmny.cg.nic.in’ te register korikena etu saal September 1 darik para November 30 darik thakibo koishe.