Chennai: Thursday din Tamil Nadu Health Minister Ma Subramanian para janaishe ke, state te 1st genome sequencing analysis laboratory bonaikena Coronavirus variants neshina Delta toh state te joldi para kulibo ase koishe. Statement ekta te Minister para koishe ke, etu facility toh Chief Minister M.K. Stalin para inaugurated koribo aro etu DMS campus te bonaikena aha 10 din pithor te kuliboli janaishe. Statement te koishe ke, etu nemite saman toh Rs 3 crore para kenikena ase aro etu nemite Tamil Nadu para 5 technicians toh InSTEM, Bengaluru te training nemite putaikena ase. State health minister para koiske ke, Tamil Nadu te itya dak 2.70 crore manuh logot vaccinated hoikena ase, etu pithor te 2,03,07,691 manuh khan 1st dose loikena ase aro 48,58,628 manuh 2nd dose vaccine loikena ase koishe. Tai para aro janaishe ke, 2,74,011 pregnant maiki aro 1,95,934 bacha ama khan Tamil Nadu State te vaccine thikena ase. Ma Subramanian aro aro koishe ke, Tamil Nadu health department para first dose Covaxin manuh logot deya rokaikena ase keli koile, state te 2nd dose nemite 4 lakh doses vaccine laki ase. State health minister para koishe, Covaxin tuita(2) doses toh 28 din pithor te thiboli laga ase hoilebi itya vaccine toh komti hoikena ase. State health minister para aro koishe ke, Union Health ministry logot letter thishe aro komti hoilebi 4 lakh doses toh second dose vaccine loboli nemite lage ase. Tai koishe, state te itya dak 39,08,250 Covaxin doses paikena ase aro etu manuh logot thikena ase. Tai aro janaishe ke, private hospital te 2,12,937 vaccine doses toh stock te rakina ase. Tai aro janaishe ke, state te itya 8,89,877 vaccine doses toh stock te ase aro etu moina pithor te 27 lakh doses neshina Union health ministry para 13 din majot te thiboli ase koishe. Tai aro koishe, 1.28 lakh manuh khan toh ek rathi te Chief Minister para ‘Makkalai Thedi Maruthuvam’ samai faita paikena ase aro etu toh health care para ghor te ahikena peraishe.
Add Comment