Uttarakhand govt para Afghanistan te 110 manuh fasikena ase koishe

DEHRADUN: Afghanistan te fasikena thaka 110 Uttarakhand manuh laga nam toh state government para Ministry of External Affairs logot janai thishe, koikena Friday din khobor para janaishe. Chief Minister Pushkar Singh Dhami laga direction hesab te administration para 110 nam list toh Ministry of External Affairs logot khobor thakai hesab te putaishe koishe. Etu list puta samai, jodi etu manuh khan laga khobor thakishe koile khobor toh state government logot share koriboli lage, koikena khobor para aro janaishe. Afghanistan te Taliban para kapza howa beche Uttarakhand manuh laga families khan besi mon dukh te ase, etu nemite state government logot etu manuh khan ke loikena aniboli janaishe. Chief minister para National Security Advisor Ajit Doval aro MEA logot kotha korikena ase aro tai para manuh khan toh wabas bhal para aniboli nemite kam koriboli janaishe. State government para janaishe ke, kaun manuh khan Afghanistan te fasikena ase, tai khan laga ghor manuh logot khobor loboli nemite names, passport details etc toh district administration ke janai thiboli koishe. Etu khobor toh district administration laga helpline no 112 te janai thiboli paribo, koikena Additional Chief Secretary Anand Bardhan para order te koishe. State government para Centre laga motob loikena Afghanistan te Uttarakhand manuh fasikena thaka khan ke wabas aniboli kam kori ase, koikena Dhami para koishe. “ami khan hotai samai Centre logot khobor loi ase. Kam sob koriboli laga toh kori ase aro joldi te Afghanistan te Indian manuh bohikena thaka toh wabas ghor te aniboli kam kori ase,” koikena Chief Minister para khobor toh junaishe.