August 22, 2021. Sunday din Prime Minister Narendra Modi para manuh khan logot Rakshabandhan din te kushi junaishe. “desh laga manuh sob logot Rakshabandhan din samai kushi junaishe ase,” koikena PM Modi para koishe. Vice-President M Venkaiah Naidu para be Desh logot Rakshabandhan din te kushi powa janaishe aro manuh logot maiki khan ke hoshari para rakiboli koishe. “Happy Rakshabandhan! Rakshabandhan din toh besi special din ase aro etu laga din toh bothers aro sisters pithor te moram aro saman kora laga din ase. Etu kushi din te ami khan sob melikena maiki manuh ke morom thikaina aro hotai samai tai khan ke bhal para saikena rakiboli lage,” koikena Vice-Presidents office para etu kotha toh janaishe. Union Home Minister Amit Shah para be desh manuh logot kushi din toh janaishe. “desh laga manuh ke etu Rakshabandhan din te tangor kushi janai ase,” tai para koishe. Rakshabandhan din toh Hindu manuh laga ekta tangor festival ase aro etu saal te ek paar celebrate korikena family majot te brothers aro sisters khan morom thika din ekta ase. Neum hesab te etu din te sisters para brothers khan ke hath te rakhis pandi dey aro gifts pulti kora din ase.
Add Comment