Bangladesh ex-PM Khaleda Zia’s laga bacha pashe-saja paise

Agencies, 10 October: Wednesday deh Dhaka laga special court pora purana minister aro opposition leader Khaleda Zia laga bacha aro 19 tusara khan ke death penalty dese. Etu deya toh 2004 sal deh tai khan pora Awami League rally deh hamla kori kena 24 manu moraideya aro 500 manu ke jokhom kora pora ase. Etu time deh opposition leader aro aji kali laga PM Sheikh Hasina be jokhom powah thakise. Bangladesh Awami League’s women front chief aro purana president Zillur Rahman’s laga maike Ivy Rahman toh mora khan majode thakise. Septemeber 18 deh court pora honabole kothom howah thakise aro judgment toh October 10 de koribo kora thakise. PTI pora kowah toh, verdict laga age deh government pora pura Dhaka deh security korise aro law aro order thek thakibo karni 4,000 security personnel toh national capital de guard kori thakise. Purana prime minister toh graft case pora pas-sal karni jai de bohoi ase aro tai case de charge nakori kena ase.