UP te 5 Policemen jokom hoishe

Kannauj (UP): Thursday din te Lord Buddha laga statue ekta toh locals khan para Chhibaramau jaga Kannauj te permission naloikena hataboli kora samai police logot jamila ola samai 5 jun policemen pathor larai kora te jokom paishe, koikena police para khobor toh janaishe. Chhibaramau police station laga In-charge, Vinod Mishra aro dosura 4 policemen toh pathor para larai kora te jokom paishe, koikena Superintendent of Police Prashant Verma para janaishe. Etu Lord Buddha laga statue toh Tuesday rati permission naloikena trisection te othaishe. Wednesday din te ‘Chhatirya’ community khan besi manuh jama korikena thakishe police para koishe. Etu nemite police para jaga toh jarikena jaboli hokom thishe, etu samai manuh khan para statue toh hataboli korishe, hoilebi statue toh pathor aro cement para bona nemite hataboli parai nai. Thursday pujur te Shakya community khan etu jaga toh pongchikena puja koriboli soruh hoishe, etu samai police para statue toh hataboli kora samai, jamila olaikena pathor para mara-mari kora samai jokom paishe, koikena police para khobor toh janaishe.