Agencies, 28 August: Online gaming addiction laga tusara case te, ekta 16 omar moda bacha western suburb of Jogeshwari, Mumbai para PUBG khelibole nemite online transactions para poisa Rs 10 lakh phelaishe.
Moda bacha toh khor para polaise tai laga parents para gali deya nemite.
Police para poija bacha toh Mahakali Caves area, Andheri (east) te traced korise aro tai ke tai laga parents ke korai deshe.
Etu hapta toh moda laga baba para MIDC police state te manu haraija laga case file kora bechite Wednesday rati te janibole parishe.
Moda bacha toh minor howa nemite police para case toh kidnapping te registered korise aro search suru korise.
Investigation samai te moda bacha laga parents para police ke bacha toh jowa moina para PUBG addicted thakise koise.
Mobile phone te khela samai, tai para Rs 10 lakh toh maa laga back account para phelaishe koise. Etu toh game khelibole ID aro virtual currency pabo nemite phelaishe koise.
Parent para ketiya online transaction opor te janishe tai khan para bacha ke gali deshe aro eru bechae te bacha toh ekta letter lekhi kena khor charijaishe koise. Informants aro technical analysis laga motob logote crime brach team para bacha ke next din te trace koribole parishe aro bacha ke kotha kora bechite tai laga parents ke deshe koise.
Add Comment