BSF para tuita(2) Bangladeshi manuh ke goole marishe

August 31, 2021. Monday din te tuita(2) Bangladesh nationals ke Border Security Forces (BSF) troopers para goole marikena moraishe koishe. Tai khan toh border osor te ahikena India pithor te homai thaka samai thakishe. Etu jaga toh Changrabanda pithor Mekhligunj police station, West Bengal’s Cooch Behar te non- fenced border te etu tui(2) jun India te kusi thaka samai BSF para marishe. Tai jun laga nam toh Younia Ali aro Md Sagar, Bangladesh’s Patgram laga manuh ase koikena jenishe. Local khobor hesab te, BSF para border jaga te cattle smuggling kora check hoboli nemite besi kara para sai ase koishe. Hoilebi, Bangladesh smugglers khan para hotai samai illegal activity toh kula rasta nahoile barbed wire borders te para kam kori thaki koishe. Monday din laga hatsa toh Dharla paani osor para hoishe aro etu jaga te 4-kilometer neshina te barbed wire thakiboli naparai jaga ase koishe. Etu nemite smugglers khan para etu halat toh saikena kam kori thaki koishe. BSF llaga khobor hesab te, Monday pujur te konuba manuh khan Bangladesh para India pithor te cattle smuggle nemite aha khobor paikena thakishe. BSF para challenged kora samai tai khan para BSF logot hamla kora nemite jawab deya te morishe. Etu khobor hona logot DIG, Jalpaiguri Sector, Sanjay Panth, BSF’s 146 Bn second-in-command Mohit Kothiyal, battalion number 146 laga second command aro dosura  senior police officers etu jaga toh ahikena pongchise. Etu tuita(2) laga body toh police ke post-mortem nemite thishe aro bechete BGB logot thibo koishe.