Karnataka te Kerala para aha manuh 7 din Quarantine thakibo

Bengaluru: Karnataka te manuh khan osor desh Kerala para aha khan toh ek hafta nemite institutional quarantine koriboli janaishe aro jodi etu manuh khan vaccine loikena thakile negative RT-PCR test report toh thikaboli lage, koikena Karnataka Health Minister K Sudhakar para khobor toh junaishe. Etu hoshari kam toh Kerala para aha air passengers nemite be ase aro tai khan para hotel nahoile institutional quarantine juniboli kushi ase koishe. Etu neshina manuh kaun khan institutional quarantine te thakai ke 6 din laga te tested koribo aro jodi report toh negative hoile, 7 din wala te jaboli thibo koishe. Etu fesla toh Chief Minister Basavaraj Bommai para Monday din meeting chaired kora samai janaishe, koikena Mr Sudhakar para reporters logot Bengaluru te koishe. Mr Sudhakar laga kotha hesab te government para kam toh experts laga kotha loikena COVID-19 hoshari neum toh Kerala osor districts neshina Dakshina Kannada, Udupi te Chamarajanagar te koriboli ase koishe. Tai para aro janaishe ke, government para aro etu logot be kara hokom aro neum toh border districts te korikena COVID-19 bemari toh rokabo koishe. Government para Kerala te COVID-19 cases besi othi-thaka nemite hokom kara bonabo koishe. Monday din Kerala te 19,622 notun positive cases thurishe aro COVID-19 bemari para 132 manuh mora khobor paishe, etu melaikena caseload toh itya 40,27,030 hoikena ase aro 20,673 manuh morikena ase koishe. Karnataka government para September 6 darik para students nemite offline classes toh class 6 para 8 dak aro kulibo fesla loishe, Mr Sudhakar para janaishe ke, schools toh hotai nemite bondh nathakibo, keli koile bacha khan studies te besi beche jai ase koishe.