India para Russia military exercise te samil koribo

New Delhi: Russia te September 3 para September 16 darik dak te 200- Indian Army contingent para multi-nation military exercise samai participate koriboli ase.  ‘Exercise ZAPAD 2021’ samai alag-alag countries para participate koribo, etu oper te Pakistan aro China toh observers thakibo. Wednesday din statement te Army para janaishe ke ZAPAD 2021 toh Russian Armed Forces laga ekta theatre level exercises ase aro etu sobse tangor kam toh  ‘terrorists kelaaf te operations kora ase’. Statement te aro koishe ke, Eurasian aro south Asian countries para alag-alag jaga para ahikena participate koriboli ase koikena janai thishe. Naga Battalion group ekta para be participate hoboli ase koikena Army para koishe aro etu oper te all-arms combined task force samil thakibo. “etu exercise para aim kora toh participate kora countries pithor te military aro strategic ties tangor hoboli bapana te ase koishe.