Govt para foreigners nemite visas September 30 dak othaishe

New Delhi: Government para foreign nationals kaun khan COVID-19 bemari nemite India te fasikena ase, tai khan laga visas toh September 30 darik dak extended korishe, koikena official spokesperson para khobor toh junaishe. Spokesperson para koishe ke, etu fesla toh India te foreigners khan March 2020 saal te ahikena thaka samai COVID bemari nemite flights nathaka nemite tai khan laga jaga te jaboli naparikena fasikena thaka nemite. “central government para etu nemite foreign nationals motob kora te tai khan laga regular visa aro e-visa toh extension thishe. Etu facility toh August 31, 2021 darik thakai toh aro central government para September 30, 2021 dak othai thishe.” Etu neshina foreign nationals para FRRO/FRO logot application toh submit koribo September 30, 2021 dak nalaki,” koikena spokesperson para aro janaishe. Tai khan desh jarikena najowa akhe, e-FRRO portal te online para permission apply koriboli laki, etu beche te authorities para manibo koishe. Spokesperson para janaishe ke, jodi kunoba manuh September 30 beche visa extension loboli mon thakishe koile, tai khan para online te e-FRRO platform te payment hesab te koriboli paribo aro etu authorities para maniboli koishe. Spokesperson para koishe ke, Afghan nationals kaun khan India te bohikena ase, tai khan laga visa toh hoshari neum pithor te issue koriboli janaishe.