AIZAWL: Assam police para civilian construction worker ek jun ke assaulted aro kidnapped kora bechete, Friday din Kolasib based organization para Mizoram aro Assam governments logot tai khan laga members ke compensate mangkishe, etu manuh toh tai laga bosti Kolasib te elaj kori ase koishe. Kolasib Excavator Backhoe Loader Operator Association (KEBOA) para statement te koishe ke, tai khan laga member logot hamla kora nemite kushi powa nai aro Mizoram government ke etu hatsa howa nemite putam korishe. Khobor para aro koishe ke, tai khan laga member toh Aitlang jaga osor Vairengte town, Kolasib district te district magistrate para protection thibo koikena kowa beche kam kora ase. Association para koishe ke, tai khan laga member Lalnarammawia toh Kolasib’s Vengthar jaga laga manuh ase aro tai toh excavator jolai thaka manuh ase, tai toh rasta kam kori thaka samai Assam police khan ahikena border osor te hamla korishe. Etu manuh toh besi serious te ase aro tai laga ribs te bone fractures hoishe etu oper te kaan para bleeding kori ase koishe. “ami khan para Assam government logot compensation mangki ase. Ami khan para be Mizoram government logot tai ke protect nakora nemite compensate thiboli janaishe,” koikena association general secretary Zohmingthanga Tlau para statement signed kora toh janai thishe. Association para aro Mizoram government logot koishe ke, etu manuh laga mobile phone aro excavator’s key toh joldi wabas aniboli koishe. Kolasib Deputy Commissioner H. Lalthlangliana para koishe ke, tai laga counterpart Rohan Kumar Jha logot letter te Mizoram manuh ke Assam police par hamla kora te saboli janaishe. Lalthlangliana para koishe ke, etu hatsa toh Thursday din te howa ase aro etu samai Lalnarammawia aro dosura manuh khan rasta bonai thakai samai howa ase. Rohan Kumar Jha para koishe ke, Mizoram para campus aro rasta bonai thaka toh Assam pithor te ase. Tai para reporters logot janaishe ke, Assam police para driver ke Assam pithor te aha nemite rokaishe aro dosura eku beya kam kora nai koishe.
Add Comment