KOHIMA, OCTOBER 10 : “Good Governance Initiatives” hisabte 2 din nemite Regional Conference manabole laga toh 10th October 2018 te Hotel Vivor, Kohima te suru wala din toh manaise. Etu din laga sub-theme toh “Capacity building/technology/best practices by Aspirational Districts” thakise koise.
Etu din te kotha kurikena Chief Minister Neiphiu Rio pora aji-kali laga duniya te Good Governance koi kena mata toh Sorkar nemite bhal laga nahui. Huilebi sob manu kan nemite (citizens) aro Sorkar majutte ki thik kuridebole ase etu hi bhal laga kotha ase koi kena janaide thakise. Tai bi etu Regional Conference manabole kura ke besi khushi bai ase. Kele etu Conference laga asul babuna te Good Governance hisabte manabole kuri ase. Kele etu toh tai kan Sorkar laga asul aro ahke babuna hi thaka laga ase. Aro etu nemite tai kan Nagaland te sob saidebole karne alak-alak steps manai kena ase koi kena janaide thakise.
Tai bi etu Conference te sob North East states laga delegates kan ahe kena hisha kura aro alak-alak States laga kan porabi tai kan neju laga jani kena thaka (experiences) pora ami kan sob logot ekta bhal kam sheka, bhal pora babuna kurikena ahkete luijabole kura aro public manu kan nemite bhal Governance julabole kura hobo. Aro ami kan manu majutte ki-ki chamala nemite diktar bai thaka nemite bhal kotha sob bhal te janaide kena etu Conference te eneka thakibole bari koi kena janaide thakise.
Tai bi Aspirational Districts laga hisabte Special Session manabole kura nemite bhal kotha janaide thkaise. Etu ke tai North East states kan te 14 Aspirational Districts ase. Aro etu districts te ki-ki rasta, khor aro tusera kan ekdam thik nai. Etu nemite ami kan saidebole kuribole laga ase koi kena janaise. Aro tai bi Nagaland state te toh Kiphire districts toh rasta hisabte koile sobse biya wala ase. Etu nemite etu District bi ekta Aspiration District hisabte naam te anede kena kotha kurise. Etu ke tai Delhi pora Kohima te aha ke khali 8 khuntha hi lui. Huilebi Kohima pora Kiphire te bus pora rasta te berabole kura toh 10 khuntha toh lui. Etu rasta laga chamala pora ahkete luijabole kura (Developmental) ke besi diktar kuride koi kena janaide thakise.
Secretary of DARPG, K.V. Eapen porabi etu din te bhal kotha kurise. Etu ke tai etu Regional Conference toh 30th wala ase. Aro etu Conference pora toh North East states kan nemite ahkete bhal te luijabole karne hi ase koi kena janaide thakise. Aro tai bi etu Regional Conference laga tusera bhal kotha kan janaide kena thakise koise.
Etu din te Commissioner aro Secretary, Abhishek Singh IAS pora etu din te hisha kurikena thaka aro ahe kena thaka kan ke bhal te aro khushi pora ahebole dese. Aro Additional Secretary AR&PG, Govt of India, Vasudha Mishra pora toh Vote of Thanks janaidese koise.
Add Comment