NEW DELHI, OCTOBER 11 : Communist Party of India-Marxist (CPI-M) pora Thursday din Minister of State for External Affairs M.J. Akbar ke hatijabole kotha janaise. Kele tai Sex chamala nemite besi jun maiki Journalist kan pora naam te anede kena thaka pora koi kena.
Etu CPI-M Party khobor hisabte etu M.J. Akbar toh alak-alak Newspaper khobor laga Editor nemite thaka time te besi jun maiki Journalist kan ke sex kuri kena thakise. Aro etu sex kura chamala nemite bi 7 jun maiki Journalist kan porabi husa ase koi kena janaide thakise. Etu pora etu nesena nahua chamala toh thik nathaka laga ase. Etu karne tai kan CPI-M Party pora etu Minister toh hatijabi koi kena janaide thakise koise.
Etu hatijabole nemite bi Congress leader S. Jaipal Reddy aro All India Majlis-e-Ittehadul Muslimeen President Asaduddin Owaisi 2 jun pora etu Minister aro purana Editor toh haijabi koi kena kotha janaide thakise koise.
Add Comment