Srinagar: Monday din Kashmir valley laga 10 districts te mobile devices aro internet services toh aro kulishe koikena, police para khobor toh janaishe. Voice call aro internet services jarikena lease lines toh Wednesday rathi para bondh hoikena thakishe, keli koile separatist leader Syed Ali Shah Geelani, tai laga ghor Hyderpora te mora nemite. Mobile internet services toh Monday din districts sob te aro kulishe, kali Srinagar aro Budgam districts te 7 pm te kuli thishe, koikena police officials para koishe. Srinagar aro Budgam districts te etu services suspend hoikena thaka toh Tuesday din kotha korishe, koikena police para khobor toh aro janaishe. Broadband aro fibre platforms te voice call aro internet services toh Friday rathi kulishe, hoilebi mobile devices te internet services toh Monday din thaka bondh hoikena thakishe. “Mobile internet toh districts sob te aji 7 pm dak te kuli jabo, hoilebi Srinagar aro Budgam te bondh ase. Ami khan para Srinagar aro Budgam nemite aha kali kotha koribo,” koikena Inspector General of Police, Kashmir zone, Vijay Kumar para khobor toh janai thishe.
Add Comment