Dharchula te paani tangor kerikena tui(2) jun morishe

September 9, 2021. Uttarakhand laga Dharchula sub-division te paani besi pura nemite bosti ekta te tinta(3) ghor kerikena 5 jun manuh pithor te tinta(3) bacha morishe khobor paishe, koikena officials para Monday din janai thishe. Etu hatsa toh Sunday rathi Jumma bosti te howa ase, Pithoragarh District Magistrate Ashish Chauhan toh etu jaga te joldi jaikena relief aro rescue operations loishe koishe. “5 bodies pithor te tinta(3) bacha laga body othaishe, etu samai tui(2) manuh ke aro pesari ase,” koikena SSB commandant M P Singh para janaishe. Etu hatsa howa jaga te helipad aro control room bonaishe aro etu bosti te jokom hoikena thaka manuh ke elaj thibo nemite medical team putaishe koishe. Rescue operations toh harikena thaka manuh napa dak pesaribo aro affected hoikena thaka manuh ke safety jaga te othaboli ase, koikena district magistrate para khobor toh janaishe. “jokom hoikena thaka khobor toh besi wala hoboli pareh, keli koile etu bosti toh bahar te thaka nemite,” koikena  Chauhan para janaishe. “etu bosti laga aerial survey toh helicopter para loishe aro SDRF aro NDRF teams logot police aro revenue teams putabo aro bosti te relief aro rescue operations kam koribo,” koikena district magistrate para khobor toh aro janaishe. Chief Minister Pushkar Singh Dhami para Chauhan aro Kumaon Commissioner Sushil Kumar logot kotha korikena Jumma bosti te paani para hatsa anikena thaka te motob thiboli janaishe. Tai para officials khan ke koishe ke, manuh dukh te bohi thaka khan ke safe jaga te loikena jaboli koishe aro joldi para food aro medicines arrange koriboli be koishe. Tai para aro Kumaon commissioner logot koishe ke, rasta aro national highways landslide para blocked hoikena thaka toh joldi para cleared koriboli janaishe. Dhami toh etu jaga te jaboli mon thakishe, hoile mosom beya howa nemite jaboli parai nai, hoilebi ketai mosom bhal hobo tai jaikena visit koribo koishe.