Kolkata: West Bengal te North 24 Parganas, Kamarhati district te diarrhea bemar para tui(2) jun manuh morishe aro 300 jun neshina bemar hoikena ase. West Bengal health department para etu jaga te cholera bemar olaishe junaishe, koikena senior official para Thursday din te koishe. Medical camps toh jaga-jaga te kulikena ORS packets bakh korishe, koikena officials khobor para janaishe. “Kamarhati Municipality te komti hoilebi 297 manuh toh Sagar Dutta Medical College & Hospital te water-borne bemari para admitted hoikena ase. Itya dak te etu hospital te 150 neshina manuh elaj kori ase. “detail khobor loboli nemite samples examine kora te, tin(3) jun laga samples toh ”Vibrio cholerae 01 Ogawa” positive tested thurishe,” tai koishe. State health department laga senior doctors team para Sagar Dutta Medical College & Hospital aro Kamarhati jaga te jaikena water supply system toh visit korishe. “Kamarhati te tinta(3) medical camps bonaikena ase aro 16,000 ORS packets logot halogen tablets toh etu jaga te bemari manuh ke bakh korishe,” koikena khobor toh aro tai para janaishe.
Add Comment