Agencies, 10 September: Co-WIN te ekta notun Application programming interface bona te ‘Know Your Customer’s or Client’s Vaccination Status – KYC-VS para jani. Notun API para CoWIN portal te manu khan laga vaccination status te sabole paribo.
Application programming interface jolabole nemite manu khan nejor laga naam nahoile mobile number aro naam enter koribo lakibo.
Etu bechite user ke OTP pabo aro etu toh enter koribo lakibo.
Etu bechite Co-WIN portal para verifying entity te individual’s vaccination status opor te jawab pothabo.
Co-Win portal para jawab potha-
Jawab te 0- pothaise koile etu toh COVID vaccine laga ek dose be nalowa janaideya laga ase.
Judi jawab 1- hoile COVID vaccine lga ekta dose lowa aro judi 2- jawab hoile pura vaccinate kora janaideya laga ase.
Union Health Ministry hisab te, January 16, 2021 para COVID-19 vaccination campaign suru kora bechae para 72 crore opor vaccine doses deshe.
Co-WIN portal para digitally verifiable certificates de ase. Etu toh manu khan para vaccination lowa saboot ase. Vaccination certificate toh kondu digital device te hoilebe save koribole paribo aro vaccinate laga saboot hisab te ketiya hoilebe digitally share koribole paribo.
Add Comment