Maharashtra Ex-Minister laga properties check korishe

Mumbai: Friday din te Income Tax Department para former Maharashtra home minister Anil Deshmukh laga tax evasion investigation  linked nemite alag-alag jaga te checking korishe, koikena official source para janaishe. Etu checking toh Mumbai aro Nagpur (Maharashtra) aro Jaipur, Rajasthan te korishe koishe. 71 umer former minister toh itya Central Bureau of Investigation (CBI) aro Enforcement Directorate (ED) para money laundering aro Maharashtra police establishment te samil thaka nemite charge kori ase. Deshmukh toh olop din akhe Maha Vikas Aghadi government te home minister thaka samai itya CBI para corruption case te aro 100 crore bribe neshina former Mumbai Police commissioner Param Bir Singh oper te booked korikena ase. Mr Deshmukh para koishe ke Param Bir Singh para tai para Mumbai Police Commissioner post te hatai deya nemite tai oper te charge kori ase. Mr Deshmukh logot ED para 5 paar neshina summons deya te tai jowa nai, hoilebi itya para agency logot kotha kora te online link te tai toh “law abiding citizen” ase koikena janaishe.