New Delhi: Delhi te aro notun 28 COVID-19 cases thurishe aro bemar para ek jun mora khobor thakishe, etu moina te 2 jun Covid bemar para mora khobor ase. National Capital te Test Positivity Rate toh 0.04 percent recorded hoikena ase, koikena state health department para bulletin hesab te janaishe. Delhi te coronavirus bemar para manu mora toh 25,084 hoikena ase aro etu moina September 7 darik te ek jun mora khobor ase. Etu saal March 2 darik National Capital te virus para mora khobor toh zero thakishe, etu din te ek din pithor te bemari cases toh 217 thakishe aro positivity rate toh 0.33 percent ase. April aro May moina te second wave soruh hoishe. Thursday din notun 28 cases khobor paishe aro positivity rate toh 0.04 percent ase, koikena bulletin para janaishe. Wednesday din te 57 cases khobor paishe aro positivity rate toh 0.08 percent ase koikena official data para janaishe. Sob melaikena 72,481 tests lowa pithor te 49,734 RT-PCR tests aro 22,747 rapid antigen tests toh ek din majot te loishe, koikena bulliten para aro janaishe.
Delhi te 24 gonda pithor 28 notun cases aro 2 jun mora khobor
Add Comment