Kohima, 17 September: Hon’ble Governor of Assam, Prof. Jagdish Mukhi para Nagaland laga 20th Governor hisab te Dr. Imkongliba Ao Hall, Raj Bhavan Kohima jaga te Friday, September 17th, 2021 te waada loise.
Prof. Jagdish Mukhi para aji office toh additional charge hisab te suru korise. Etu agae te Nagaland laga 19th Governor aro Naga peace talks laga interlocutor, RN Ravi toh tai laga duties para hata thakise. Mukhi toh Governor of Assam aro Governor of Nagaland hisab te office joli thakibo regular arrangements nabona tak.
Hon’ble Justice, Gauhati High Court Kohima Bench, Shri S Serto para Governor nemite Oath of Office te administered korise aro etu event te Chief Minister of Nagaland, Deputy Chief Minister, Speaker NLA, state government laga ministers, state aro central government laga senior officers aro tusara dignitaries thakise.
Notun juna Governor of Nagaland te Rashtriya Salute toh 10th IR Battalion para paise Raj Bhavan courtyard jaga te.
Governor of Assam hisab te najuna agae te, , Prof. Jagdish Mukhi toh Lieutenant Governor of Andaman and Nicobar Islands thakise. Poila tai Delhi Government te portfolios of finance, planning, excise & taxation and higher education te thakise. Tai ke credit toh Delhi manu khan laga welfare nemite besi kaam kora karni paise.
Prof. Jagdish Mukhi ke be desh laga best fnance minister hisab te samaan paise aro tai ke tui par best MLA award toh Delhi Vidhan Sabha te paise.
Add Comment