New Delhi: Uttarakhand te Chardham Yatra toh COVID-19 nemite besi din bondh thakina ahi para soruh hoishe. Uttarakhand High Court para Chardham Yatra kuliboli janai deya beche, Friday din state government para detailed SOP janaikena Saturday din para COVID-19 hoshari neum te kulishe. State government toh yatra soruh hoboli besi tangor bapana te thakishe, keli koile lakhs manu khan etu pilgrimage te linked hoikena ase. Yatra toh 2020 saal te be Covid-19 bemari nemite besi moina bondh thakina June moina te soruh hoishe, etu samai sob melaikena 3,21,609 devotees para Covid hoshari neum te temple toh visit korishe. Etu samai, Chief Secretary SS Sandhu para Friday din Kedarnath visit korikena officials khan logot Himalayan shrine te jai thaka samai pilgrimage ke arrangements thiboli janaishe. Sandhu para aro Kedarpuri te projects kam kori thaka toh saikena officials ke kam toh besi bhal para koriboli janaishe. Tai para aro janaishe ke, hotai hafta target rakina kam kori thaka toh thiri nahoikena joldi bhal para koriboli koishe.
Add Comment