RN Ravi notun Tamil Nadu Governor oath loishe

Chennai: Saturday din te Ravindra Narayan Ravi toh Tamil Nadu state laga notun Governor junishe koishe. Tai para Banwarilal Purohit ke putli korishe aro aro itya tai Punjab te jaishe. Ravi ke office te oath toh Madras High Court laga Chief Justice, Sanjib Banerjee para Raj Bhavan te thishe. Swearing in ceremony samai Chief Minister M.K. Stalin, state ministers, K. Palaniswami, Opposition leaders aro dosura manu khan be samil thakishe koishe. Etu kotom hoikena Ravi para reporters logot kotha kora samai koishe ke, tai Tamil Nadu Governor hoboli besi kushi ase aro etu state laga culture aro tradition toh besi dhuni ase koishe. Ravi para aro janaishe ke, tai para Constitution manikena tai laga kam koribo aro manu nemite development kam koriboli koishe. Ravindra Narayan Ravi toh Patna te jonom paishe aro tai laga post graduation toh Physics te loishe. Ravi toh New Delhi te olop samai nemite journalist korishe aro tai etu beche Indian Police Service te jaishe. Tai toh Kerala cadre officer thakishe aro Central Bureau of Investigation & Intelligence Bureau te kam korishe. Prime Minister Narendra Modi pithor te NDA government para tai ke 2014 saal te Nagas peace talks nemite interlocutor junishe aro 2018 saal te Deputy National Security Advisor korishe. Ravi toh 2019 saal te Nagaland Governor junishe. Ravi toh South Asia te human migration nemite specialized ase aro tao para border population te political sociology nemite kam kori ahishe.  Ravi toh itya be alag-alag Central agencies te desh nemite intelligence kam kori ase koishe.