Former Union minister Babul Supriyo TMC joined korishe

New Delhi: Saturday din te Former Union Minister aro ex-BJP MP Babul Supriyo para Trinamool Congress (TMC) joined korishe. Olop din akhe Union Cabinet reshuffle kora samai Supriyo para Bharatiya Janata Party (BJP) jari-thishe. Prime Minister Narendra Modi para tai ke Union Council of Ministers para hatai deya nemite,  tuita(2) term MP para tai MP te resign korikena politics jaribo koikena junaikena thakishe. ‘aji, National General Secretary Abhishek Banerjee aro Rajya Sabha MP Derek O’Brien osor te former union minister and sitting MP Babul Supriyo para Trinamool family joined korishe,” koikena AITC laga official account para etu khobor toh junai thishe. July 31 darik te, Supriyo toh playback singer be ase, tai para politics jaribo aro MP para be resign hoboli koikena thakishe. Tai para nejor laga neum aro state BJP leaders pithor te besi alag ase koishe. “ami Asansol te MP neshina kam koribo. Politics toh constitutional post logot alag ase aro ami nejor withdraw koribo. Ami kaun party te be joined nakoribo, ami Delhi te MP bungalow toh jaribo aro ami laga security personnel kahn ke be duties para jari thibo,” tai para koikena thakishe. Narendra Modi Cabinet te minister Supriyo ke july moina te reshuffle kora samai tai ke hataishe. Tai para aro koishe ke, senior leadership te monjur thaka nai aro assembly poll campaign toh dosura kotha ase. Etu din te Ministry of Home Affairs (MHA) para Supriyo laga security cover toh Z para Y category te komti korishe, koikena official ministry para koishe. Tai toh 2014 saal te BJP joined korikena Asansol constituency para tui(2) paar election te olaishe.