Rajnandgaon: Former Chhattisgarh minister and senior BJP leader Rajinder Pal Singh Bhatia toh Sunday din tai laga ghor Rajnandgaon district te hang hoikena morikena thakishe, police laga suspect te suicide case ase janaishe. Rajinder Pal Singh Bhatia 72 umer, tai laga ghor Chhuriya town te saam te hang hoikena thakishe, police official para khobor toh janai thishe. Etu khobor hona logot logoti, police team ekta etu jaga te jaikena tai laga body toh olaishe aro post-mortem nemite putaishe koishe. Police para koishe ke, etu jaga te suicide note ase naa nai khobor toh aro janai thiboli ase. BJP leaders laga khobor hesab te, etu saal March moina te Bhatia ke COVID-19 positive tested thurishe, hoilebi bhal howa beche te be tai laga halat toh bhal thaka nai koishe. Khujji Assembly constituency para tin(3) paar MLA, Bhatia toh first BJP government te Chief Minister Raman Singh thaka samai Minister of State for Commerce and Industry thakishe koishe. 2013 saal te, tai ke Assembly ticket natiya nemite party logot larai korishe aro etu beche state polls te Khujji seat nemite independent candidate neshina contest kora te kamyaab powa nai. Hoilebi, etu beche tai aro party te samil hoishe, koikena party leader khan para janaishe. Tai laga maiki toh olop saal akhe te morishe aro tai laga kali bacha Jagjeet Singh Bhatia toh Raipur te private hospital ekta te kam kori ase koikena khobor toh janai thishe.
Cops: Chhattisgarh Ex-Minister morikena paishe
