Headlines • Kohima • Nagaland

NBCA Pastor’s conference kothom hoise, atma te jetibole khobor deshe

September 20, 2021
26 Views

Kohima, 20 September: NBCC under te mela Nagamese Baptist Churches Association (NBCA) para tai khan laga 6th Biennial Pastors’ Conference toh Zion Retreat Centre, Sechü Zubza, Kohima jaga te September 16th-17th 2021 te theme “A Vision of the harvest” (Gal. 6:9) under te loise. Rev. Dr. Zelhou Keyho NBCC General Secretary aro Rev. Dr. Meren , NBCA , Executive secretary toh main speaker  thakise aro Rev. Dr. Lulen Jamir toh Resource person thakise.

Conference toh Kohima Nagamese Baptist Pastors Fellowship (KNBPF) para host korise aro etu conference nemite sob melikena 65 delegates registered howa thakise.

First rati September 16 te Rev. Dr. Zelhou Keyho para pastors toh vocational pastors hobole koise aro etu toh ekta Profession hisab te nalobole koise. Matthew 16:21 laga basis te, Peter laga jevaan te focus korikena (Isor laga plan te tai (Peter) laga gao mangso (carnality) nemite bondh howa) pastor toh duniya laga chese khan te nasabole koise.

 Keyho para conference te hisha thaka khan vocational leaders hobole koise aro professionals toh head para train kori koise aro tusara side te Vocational toh monn para trained kori koise aro etu koi kena professionalism para pastoral ministry te morai ase koise.

Tai para be hosiyar korise etiya ek jun duniya (world) te besi close hoi tai Jesu (God) para besi dur (far) hobo pari koise.

September 17th  te, Rev. Dr Meren para Cross lobole kaam howa opor te koise aro Isor ke follow koribole toh nejor ke paoribole laga ase koise.

 Tai laga view, Nagas toh status oriented society howa koise aro etu status para ministry te morai ase koise. Tai para be nejor members laga Khor khan te lok koribole kaam howa te koise.

NBCA ministries toh grassroots level para suru hoi ase koikena tai para be etu toh programme oriented ministry nahobole hoilebe ekta Holy spirit oriented programme hobole koise. Tai para be etu toh etiya lakiya laga samai ase koise.

Last service te Rev. Dr. Zelhou Keyho para be God’s faithfulness laga pastors te encourage korise Nagas toh head hunters para soul hunters howa te aro tai para be pastor khan Tai laga Kingdom te besi atma jetibo nemite kosish kori thakibole koise.