AIMIM chief Owaisi ghor hamla te 5 Hindu Sena thurishe

New Delhi: Delhi Police para Hindu Sena laga 5 members ke thurishe koishe, etu manu khan para AIMIM chief & Hyderabad MP Asaduddin Owaisi laga ghor Ashoka Road te thaka toh beya kora nemite ase. Deputy Commissioner of Police (New Delhi) Deepak Yadav para koishe ke, etu incident te 5 jun manuh samil kora te police para thurishe. Police para koishe ke, khobor powa hesab te incident toh 5 pm te hoishe aro etu samai jaga pongchise. Senior police officer para koishe, etu nemite case toh Parliament Street police station te accused oper te public saman beya kora nemite case registered korishe. Social media te video clip ekta te, Hindu Sena laga state president, Lalit Kumar para koishe, etu manuh khan toh Owaisi laga ghor te jaikena tai laga rallies te Hindu kelaaf te kotha kora nemite lesson hekaboli jowa ase. 4 pm neshina samai te, Hindu Sena khan para Owaisi laga ghor toh beya korishe. Etu outfit laga National president, Vishnu Gupta para koishe ke, tai para Hyderabad MP’s “anti-Hindu” statements te kalti korishe. All India Majlis-e-Ittehadul Muslimeen (AIMIM) chief para anti-Hindu statements besi koishe etu nemite tai toh puila para Uttar Pradesh te case registered hoikena ase, Gupta para janaishe. “BJP manuh laga hath ase. Jodi MP laga ghor etu neshina hamla korishe koishe, ke kotha ase? Ami  Shivpal Yadav ke lok koriboli aha ase, tai toh UP laga tangor leader ase,” Owaisi para Delhi te ghor beya kora samai koishe. Hindu Sena para Owaisi ke etu neshina statement nakoboli koishe. Police para etu incident toh 5 pm samai howa ase koishe. PCR call powa hesab te etu 5 Hindu Sena members ke thurishe. Etu thurikena thaka khan toh northeast Delhi para ase koikena police para khobor toh janaishe.