Mon, 22 September: District Administration Mon laga initiative pithor, DC Mon, Thavaseelan K, IAS para 20th September 2021 te 25 (Twenty Five) Desktops toh Wangkhao Government College (WGC) Mon te deshe. Desktops toh Mindtree Foundation based, Bengaluru para deshe. Etu toh education, employment te deep aro lasting impact bonabole aro disabilities manu khan nemite phal duniya bonabole laga aim te deshe. Mindtree Foundation para 50 Desktops toh Mon District te deshe. Bachi thaka Desktops toh District te Government Schools aro Health Units (CHCs/PHCs) te deshe.
WGC toh Mon tee kala Government College ase aro National Assessment & Accreditation Council (NAAC) assessment scheduled for 2021 logote, Desktops deya para college toh NAAC para phal grades pabole motob hobo kelay koile etu para student computer ratio te phal kora nemite.
Programme te Asst. Professor, N. Mongyung Phom para chaired thakise aro Principal WGC, I. Wati Imchen para introductory speech deshe.
DC Mon para Mindree Foundation te donation nemtie gratitude aro appreciation janaishe aro District te education infrastructure dangor koribole nemite tai khan para support kori thakibole request korise.
Vote of thanks Asst. Professor and Coordinator for IQAC, Shongya Konyak para deya thakise.
Add Comment