LOC te 3 Terrorists ke morishe

Srinagar: Thursday din te Jammu &  Kashmir’s Baramulla district, Uri te Army para Line of Control (LoC) osor te dushman khan ke rokaboli nemite kam kora te tinta(3) terrorists ke morai-thishe aro etu samai arms & ammunition besi paishe, koikena officials para khobor toh janai thishe. “LoC osor Hathlanga jaga te manuh perai thaka suspect thaka nemite terrorist ke challenged korikena tai khan tin(3) jun ke moraishe,” koikena Army officer para khobor toh janaishe. Tai para aro koishe ke, arms & ammunition thura oper te 5 assault rifles, 7 pistols aro grenades be etu jaga te para paishe koishe. Army’s Chinar Corps headquarters te media logot kotha kora samai, General Officer Commanding Lt General D P Pandey para koishe ke, olop din akeh te be LoC side te kam kora toh hotai thakishe. “etu saal soruh howa samai te terrorists besi thaka nai, launch pads te konuba kam kori thaka toh Pakistan army commanders laga kam nahobo,” tai aro janaishe. Lt Gen Pandey para koishe ke, etu khobor toh terrorist thaka jaga thaka ase koishe