Lucknow: Saturday din Shiv Sena para junai thishe ke, Uttar Pradesh Assembly elections 2022 saal te pura 403 seats te be contest koribo. Etu fesla toh Lucknow te party regional executive body meeting samai loishe. “Shiv Sena toh manuh laga awaz thakibo aro Uttar Pradesh te BJP logot counter koribo nemite sob assembly constituencies te candidates thakibo. Coordinators para assembly constituency sob jaga te takot thakibo nemite appointed koribo. State leaders laga delegation para joldi te election preparation aro organization laga report toh janai thibo,” koikena Uttar Pradesh unit of Shiv Sena laga statement hesab te janaishe. Etu samai, BJP national president JP Nadda para ‘Booth Vijay Abhiyan’ toh Saturday din Uttar Pradesh te virtually kulishe aro state pura laga 27,700 booths te workers logot via video conferencing te kotha koishe. Uttar Pradesh te Political activities besi bhal jai ase keli koile, Congress general secretary Priyanka Gandhi Vadra toh state te tui(2) din ahikena state polls nemite strategies bonai thakishe. Congress para state te Pratigya Yatra toh assembly polls ponchi thaka samai 12,000 km cover koribo. Etu fesla toh Congress advisory aro strategy committee meeting thaka samai loishe aro meeting toh party’s state in-charge Priyanka Gandhi Vadra para chaired korishe. Meeting samai aro zone-wise election campaigns aro programmes toh be soruh hoile fesla loishe. 2017 saal assembly elections samai, BJP para 312 seats jetishe. Party para 403-member assembly te 39.67 per cent vote toh election te share korishe. Samajwadi Party para 47 seats paishe aro BSP para 19 paishe aro Congress toh kali 7 seats kamyaab hoishe.
Add Comment