DTC: Delhi te Jan 2022 dak te 300 electric buses paijabo

New Delhi: Delhi te January 2022 saal para tender matured kora beche 300 e-buses neshina baboli ase koikena Delhi Transport Corporation (DTC) official para khobor toh junaishe. “e-buses first fleet toh January 2022 saal te aha soruh hobo,” Ravinder Singh Minhas, Deputy Chief General Manager (Traffic and Public Relations) DTC te IANS logot janai thishe. August 2020 saal te Delhi Transport Minister Kailash Gahlot para koikena ase ke, national capital te 2,000 electric buses toh 2021 saal kotom howa samai baboli thakishe, hoilebi olop moina akhe te infrastructure dukh thakai nemite first batch toh ahiboli thiri hoishe. Delhi aro Central governments para be gari toh ahiboli din te environmental problems te climate change nemite mon thikena kam kori ase koishe. DTC para January 2021 saal te 1,000 buses neshina keniboli tender loikena thaka te city laga rasta te September moina para peraboli bapana thakishe. Hoilebi, BJP MLA Vijender Gupta para annual maintenance contract (AMC) te buses keniboli thaka te kelaaf kora nemite Lieutenant Governor Anil Baijal para three-member panel formed hoikena etu kam toh Central Bureau of Investigation (CBI) logot preliminary enquiry thishe. National capital te gari besi peraboli kotha kowa te,” Delhi te jaga tangor ase. 12 million cars neshina registered hoikena ase aro thousand neshina buses paribo koishe.