Eastern Uganda deh mathi kera pora 31 manu moraidese

Kampala, 12 October: Friday din government official pora janaideya hesab de, eastern Uganda laga town deh paani flood hoi kena thaga opor deh mathi kera pora 31 jun moraidese. Etu pora khor aro khor laga janwar khan be beya korideya thakise. Thursday afternoon Bukalasi jaga deh mathi kera toh paani ektum bhari pora keri thaga karni ase. Disaster Preparedness and Management laga Commissioner Martin Owor pora janaideya hesab deh, market jaga deh besi phak manu khan pashe (trap) kena thakise.  Aid agencies pora kowah toh, etu hatsa pora janwar aro manu khan paane pora loijaise.  Owor pora hatsa howah jaga deh jenda thaga manu khan bachabo karni relief teams khan besari ase. Tai pora kowah toh, etu hatsa pora effect howah manu khan ke shelter, food aro tusara support khan lagi ase aro etu jaga deh ami khan jai ase. 2010 deh, etu area dehe achana pora flood howah karni 80 jun moraideya thakise. Etu agae deh officials khan pora risk thaga area manu khan ke jaga pora hatidebole plan kora thakise. Hoilebe etu nakori kena ase aro etu toh koribole ase. East African laga mountain regions khan paani kera session time deh mathi keeri kena dukh pai thakise.