Space Station team bukha rocket fail hoise

Moscow, 11 October: Soyuz spacecraft laga tuita U.S aro Russia manu toh rocket fail howah pora Thuesday din Kazakhstan jaga deh emergency land koribole olaise.  U.S. space agency aro Russia’s Roscosmos pora janaideya hesab deh, U.S. astronaut Nick Hague aro Russian cosmonaut Alexei Ovchinin toh eku jokhom napai kena phal pora namise aro Kazakh deh rescue cres khan tai jun nama jaga janibole parise. NASA TV deh kowah toh, tuita manu be phal pora ase aro tai junk e eku medical treatment na-lagi. NASA pora Soyuz-FG deh chamala ola toh Baikonur laga Soviet-era cosmodrome pora jaa time deh adha rasta hawah deh hoise koise. Russian Deputy Prime Minister Yuri Borisov pora janaideya deh Interfax pora kowah toh, chamala ola toh rocket laga first aro second stages alag-alag koribo kora time de ola ase. Russian news agencies pora kowah toh, Hague aro Ovchinin nama jaga deh rescue crews khan phatse ponjibole parise. NASA TV pora kowah toh, rescue forces khan Nick Hague aro Alexei Ovchinin logode communicate korise aro tai jun be phal condition de ase. RIA news agency pora report kora toh, Russia pora sob spaces ola joldi bondh korise aro Roscomosmos chief Dmitry Rogozin pora kowah toh, tai ke hoise investigate koribo karni state commission logode order korise.