AGENCIES: Ethiopian military airstrike para desh laga capital tigray region Thursday din te huwa te 10 manu etu te bacha khan thaka toh murishe.etu khobor toh doctor para koikena janaidiya thakishe./etu toh nutun airstrikes laga nutun round thakishe etu toh juwa haafta shuru ku rishe etu ek sal lamba ladai toh kara kura pichede.
International calls ceasfire nimete okobi huwanai etu te Ethiopian aro allied forces khan ladai kurishe tigray forces logote kun khan etu national government ke dominate kurishe etu bi Prime Minister Abiy Ahmed para pichede nakura akhe te. Hazaar nishena manu khan Africa’s second most populous desh te murishe aro duniya laga sobse biya hunger crisis toh shuru kurishe.
Government spokesman Legesse Tulu para associate press ke koikena janaishe etu nutun airstrike para site Mekele city tigray forces para chula te target kurishe haathyar khan bonabole nimete.tai para koikena janaishe etu site toh compound nishena ase Mefsin Industrial Engineering laga toh et u toh juwa haafta te lagishe.
Tigray spokesman Nahusenay Belay para etu airstrike para ekta military target te maraa toh mananai aro koikena janaishe etu bi ekta civilian ghor te marishe.tinta bacha khan mura te thakishe.tai para koikena janaishe. Hayelom Kebede, former director of Tigray’s flagship Ayder Referral Hospital koikena janaishe 10 manu khan murishe aro 21 khan jhokom paishe aro tai bhabona kurishe etu t oll toh uthibole niemte.
Etu jaka laga noksa khan te dikhaishe bacha manu khan bodies khan dabikena thaka toh olabole kura toh.
Ethiopia’s government para koikena janaishe etu nutun airstrikes toh military target te thakishe hoilebi tigray forces khan koikena janaishe civilian facilities khan etu te factories aro ekta clinic te target kurishe etu te komti hoilebi tinta bacha mura te thakishe.
Etia ladai toh Ethiopia’s neighbouring Amhara region te chuli ase etu bi abiy s government khan para ground offensive kura pichede akhe te etu moina te tigray forces laga khilaaf kun koikena janaishe tai khan kosish kuri ase government ke etu tigray region laga blockade toh khulibole nimete.
Eksau aro hazaar nishena manu khan ghor nathaka hoishe akhe haafta te etu ladai smaay te etu te humanitarian crisis toh utha samay te.
Add Comment