Lakshya Sen pora silver jetise

Agencies, 13 October: Purana junior world No. 1 Lakshya Sen toh Youth Olympic Games laga deh silver medal he lobule parise. Tai Friday din China’s Shifeng Li logode 15-21, 19-21 pora men’s singles badminton final deh hara thakise.  Second game time deh fourth seed shuttler toh ektum phal pora khela thakise. Tai four match points toh bachabole pari kena Chinese opponent osor tak olob pora pongja thakise. Hoilebe Li toh ektum mondangor kori kena khela thakise aro game toh na-hari kena jeti lowah thakise. First game deh, Shifeng pora joldi load lowah thakise aro time nathaga time deh 14.5 tak howah thakise. Sen pora be aro recover koribole para thakise aro 13-16 tak pongjabole para thakise. Hoilebe tai aro score lobule napara thakise aro Shifeng toh 18-13 hoija thakise. Etu bechide Shifeng pora 20-14 bonai kena six game points lowah thakise.Sen pora ekta game point toh bachabole parise. Hoilebe Chinesse pora tusara wala toh lonole pari kena first game jeti lowah thakise 17 minutes deh. Second game khela toh ektum osor deh thakise. Hoilebe China pora sob time deh lead kori thakise. First deh Shifeng  toh 8-7 pora agae deh thakise. Hoilebe Sen 11-14 nahowah agae deh gape toh 12-7 deh thakise.  Three-point gap toh olob deri thakise Chinese pora 18-14 nabona agae deh aro etu bechide 19-14 howah thakise. Sem’s pora silver medal jeta karni Youth Olympics deh India laga total tally medal lowah toh seven hoise.  Etu agae time deh, Young shooting sensation Manu Bhaker toh judoka Tababi Devi laga nejide second Indian howah thakise.  Aro Friday din men’s hockey team deh Poland logode 4-2 pora jeti kena semi-final deh kusha thakise.