DIMAPUR, OCTOBER 13 : Nagaland Deputy Chief Minister Y Patton pora Saturday din Dimapur City rasta banabole ke kinika kurile hobo etu sabole jaise. Etubi PWD Office Dimapur kobi Unity College pora suru kurikena Loth Colony (Viola Junction), Dimapur dak hisabte banabole kura ke.
Etu Deputy CM logot tusera kan kobi Dimapur Commissioner of Police Limasunep Jamir, IPS; PWD (R&B) Dimapur Executive Engineer Talitemsu Jamir; PWD (R&B) SDO Nagashe Swu; Residency Colony, Kyong Colony aro Lotha Colony laga Chairman aro GBs kan sob eke pora melekena jaise koise.
Deputy CM porabi Contractors kan ke bhal te kam kuribole kuribi. Aro Cabinet kan kotha mana kebi Contractors kan rasta bana ke 3 sal nesena rasta banabole karne thakibo lagi koi kena manaise koise. Etu karne etu kan sob ke mela-mele thakibole kuribi koi kena janaise koise.
Etu rasta nemite sabole aha kan ke kotha kurikena Lotha Colony Council (LCC) Chairman Renathung Ezung pora Lotha Colony laga rasta kan banabole nakurikena 25 sal huise. Aro etu rasta nemite kiman banabole thakise etu kan toh sob tai kan Colony manu kan pora poisa uthai kenahi banabole kura laga ase koi kena janaise. Aro tai bi LCC laga naam pora Deputy CM ke besi khushi baa kotha janaise. Kele tai (Deputy CM) etu rasta banabole kura ke sabole aha karne.
Add Comment