NEW DELHI, OCTOBER 14 : Teen Murti Estate jaka te Prime Ministers laga Museum nemite Foundation lakaidebole ase. Etubi Congress Party kan kobi purana PM Manmohan Singh porabi melekena khilaf kuri thaka majutte. Aro etu Foundation Stone toh Monday din te Union Ministers pora lakaidebole ase koise.
Etu Teen Murti Estate jaka laga Museum te Foundation Stone lakaidebole thaka jaka toh India desh laga ahke Prime Minister Jawaharlal Nehru laga asul jaka te lakaidebole laga ase. Aro etu lakaidebole kura Union Ministers toh Culture Minister Mahesh Sharma aro Minister of State for Housing aro Urban Affairs Hardeep Singh Puri 2 jun pora lakaidebole ase koise.
Etu notun Museum banabole kura toh Prime Ministers kan laga laga memory nemite ase. Etubi Lal Bahadur Shastri pora suru kurikena aji dak hisabte thaka PM kan nemite. Aro etu banabole karne mati jaka lua toh Rs. 270 crore daam laga ase koise. Aro etu mati jaka toh Teen Murti Estate jaka bitor majutte hi ase koise.
Add Comment