Group Captain Varun Singh morishe

GUWAHATI: December 8 darik, Tamil Nadu helicopter crash te ek jun jokom paikena bachi thaka Group Captain Varun Singh toh morishe koishe. Singh toh Wednesday pujur Command Hospital, Bengaluru te elaj kori thaka hospital te morishe. Group Captain Varun Singh mora khobor toh Indian Air Force para junaishe. “December 8 darik helicopter accident te jokom hoikena thaka Group Captain Varun Singh morishe koikena khobor janai deya te IAF besi mon dukh ase”.  “General MM Naravane, COAS aro Indian Army para be Group Captain Varun Singh mora nemite besi mon dukh ase,” koikena Army para janaishe. PM Narendra Modi para koishe, “Group Captain Varun Singh para desh toh pride, valour aro besi bhal para sai thaka ase. Ami tai mora nemite besi mon bekai ase, tai laga kam bhal toh hotai yaat koribo.” Indian Air Force (IAF) para tri-service Court of Inquiry hoikena December 8 darik Mi-17v5 helicopter crash howa toh saboli ase koishe. Etu helicopter crash howa toh December 8 darik Coonoor, Tamil Nadu te chief of defence staff (CDS) General Bipin Rawat, tai laga maiki aro dosura 12 security personnel samil hoikena morishe.