Ektah toh Tamil Nadu teh ‘Muscoth halwa’ aneh laka grandson ase aro alak toh Kerala para ahishe, country laka dangor track-and-field star. Taijun bhal sathi ase.
Hoilehbi Sunday saam phaleh, Jeswin Aldrin (21) aro Murali Sreeshankar (23) long jump competition khelishe.
Noitah 8-plus metre jump kurishe, duitah poilah national record para bhal, duitah berths paishe World Athletics Championships etu saal US teh kheliboleh paishe.
Aldrin aro Sreeshankar aji long jump teh bhal dikhaishe. Tai jun Federation cup karneh khelishe Calicut University stadium teh, aro Aldrin pastah opor 8-plus-metre jump kurishe choitah attempt teh, ektah 8.37m, aro top medal paishe hoilehbi hawa mareh karneh national record teh najai huishe.
Sreeshankar ti nijor laka national record par kuribo parishe 10 centimetres teh tai laka tinbar attempt teh 8.36m par kurinah.
Etu karneh Aldrin gold paishe aro Sreeshankar notun record banaishe.
Sreeshankar laka baba Murali purana triple jumper taikhe coach kurishe, hoilehbi Aldrin laka ghor manu kunbi sports khelari nai, aro tai laka dangor baba Joseph Abraham ‘ Muscoth halwa’ karneh manu najina ahishe.
India teh jumpers komti ase kun eight-plus metre jump kuribo para khan, hoilehbi etia duijun huishe aram kurina par kurideh aro bishe dur jaboleh parah khelari ase. Etu opor Commonwealth Games, Asian Games aro World Championships etu saal kheliboleh thaka karneh taijun karneh bhal huishe.
Aldrin etia duibar world championship medallist Yoandri Betanoz coach kureh ase, aro tai biswas ase bishe ageh jabo paribo. aro Aldrin tai laka bhal din aro ageh teh ahibo.
Bishe bhal ase Indian long jump teh duijun manu 8.35m opor jump kuribo para karneh. Tai jun bishe bhal sathi ase kuina kuishe Sreeshankar.
Ageh teh khelibo thaka toh asani nohoi, Olympic record long jump teh 8.90m ase Bob Beamon 1968 teh kurina thaka aro world record toh 8.95m ase 1991 teh Mike Powell kurina thaka.
Add Comment