Mon, 05 April: Hans Foundation para Mon district te nine Mobile Medical Units donate korise. Etu toh Council Hall, Mon te ekta function 4th April 2022 te lowa samai te deya thakise.
Advisor for Social Welfare, Home Guards & Civil Defence, Noke Wangnao para Hans Foundation te district para sob elected members laga behalf te kushi powa kotha janai deya thakise kelay koile District te project anna nemite.
DC Mon, Thavaseelan K, IAS para District te Hans Foundations para past activities aro kaam kora opor te kowa thakise.
Speeches toh Health & Family Welfare Department, KU, KNSK, KSU, aro KBBB laga representative para deya thakise. Tai khan para Hans Foundations aro District Administration te DC para led enaka initiatives loi thaka nemite, tai khan ke dhaniyabad janai deya thakise.
COO of The Hans Foundation, Brig. Shalendra S. Katariya para Hans workers ke services toh District te last household tak ponjibole sure bonabole nemite koise.
Programme te Kalyan Ba para chaired thakise aro Minister for Environment, Forests & Climate Change, Y.M.Yollow Konyak, MLA CL John aro Eshak Konyak, SP Mon, Administrative Officers, Officers from Health and Family Welfare aro tusara Departments te NGOs aro Civil Societies meli kena attend howa thakise.
MMUs toh all-terrain 4×4 customized ambulances ase aro etu toh Mon District te sob bosti te ponji kena basic primary health care, generic medicines, aro laboratory services toh rural setup te ekta subsidized rate te debole aim ase.
Nine MMUs lag ate, four toh Mon Hq te thakibo, tuita Tizit te, tuita Aboi te aro ekta Tobu te thakibo aro District te sob bosti ek par lok koribo ek moina te. Each MMU te ekta Qualified Doctor, ANM, Pharmacist, Lab Technician, Social Development Officer, aro Driver thakibo aro sob 9 MMUs nemite sob melikena 54 employees thakibo aro tai khan te Foundation para manage koribo.
MMUs toh officially Chief Minister, Neiphiu Rio para 6th April 2022 te suru koribole ase.
Add Comment