Tinsukia te youth 1 jun ULFA-I join hoishe

GUWAHATI: Assam’s Tinsukia district te aro youth ek jun para banned militant outfit, United Liberation Front of Asom-Independent (ULFA-I) joined korishe, koikena khobor paishe. Khobor hesab te etu youth laga nam toh Samiran Chetia koikena jenishe aro tai toh Tinsukia Jagun Police Station pithor Rampur bosti para ase koishe. Khobor hesab te, tai toh March 14, 2022 darik para missing thakishe. Family members laga khobor hesab te Samiran toh March 14 darik Sivasagar jaishe, etu beche tai wabas ghor aha nai aro tai toh family manuh logot contact nathaka hoishe. Etu youth missing howa nemite police para investigation korishe, etu beche police laga kotha hesab te tai ULFA-I joined kora bapana te ase. Dosura khobor ekta para janaishe ke, Samiran toh puila be NSCN te joined korikena thaka samai 2020 saal te surrendered korishe. Police para etu youth ke pesari kori ase, hoilebi pura besas ase ke tai ULFA-I joined hoishe.