Tokyo Olympics silver medallist Mirabai Chanu 55kg category Commonwealth Games Birmingham teh nakhelibo, ageh teh Indian Weightlifting Federation (IWLF) plan kurina thaka nishe nohoina country laka medal bishe paboleh karneh ase. Champion Manipuri lifter tai laka original weight division 49kg teh khelibo July 28 – August 8 thak.
International weightlifting federation (IWF) khan tai laka 55kg entry reject kuridishe aro IWLF khe kuishe Mirabai weight division bodli kuribo napribo kileh maneh tai India laka No.1 lifter nohoi 55 kg category teh. Bindyarani Devi 22 saal No.1 ase country laka weight class teh. Mirabai CWG champion ase 49 kg category teh. IWF khan CWG entries kuriboleh teh top lifters weight category khan ekla jaboleh diboleh kuishe.
IWF khan reject kurideh piche Indian federation khan drawing board teh wapas ahishe. Tai khan revised entry dishe CWG karneh, tateh Mirabai 49kg teh compete kuribo, Bindyarani 55kg teh aro Popy 59kg teh khelibo. 64kg teh lifter tayari nai kuishe, etu karneh represent kurina nathakibo kuishe. Aro Asian champion Jhili CWG squad para ulabo. Etu karneh IWLF’s medal paboleh laka moka komti huishe, Mirabai laka entry bon nakurileh 49kg teh Jhili kuribo thakishe aro 64kg teh Popy.
Etu nimeteh India 64kg division teh medal paboleh naparibo. IWLF khan backup eku rakhenai Popy laka weight category karneh. Asorrit kotha huishe tai khan rule book nasaina kureh karneh, aro taikhan IWF lokot kotha kureh nai weight categories teh bodli paribo nanai huda hudi kuriboleh.
Add Comment