Russian aro Belarusian runners khan khe etu saal laka Boston Marathon teh polaboleh nadibo kileh maneh Ukraine teh hamlah kura karneh ase kuishe organizers khan Wednesday din teh.
Russian aro Belarusian athletes khan nijor jaka teh thaka manu khan khe April 18 race teh hisa luboleh bon kuri dishe, Boston Athletic Association kuishe.
Hoilehbi Russian aro Belarusian manu khan tai khan laka jaka teh nathaka khan khe hisah luboleh dibo hoilehbi nijor laka flag cholabo naparibo kuishe.
Manu bishe nishena tai khan Ukraine teh ki report pai ase etu teh khushi nai kuishe Boston Athletic Association chief executive Tom Grilk kuishe.
Tai khan biswas ase running toh global sport ase, aro tai khan Ukraine lokot milehna ase dikhaboleh ki paribo kuribo kuishe Grilk.
Etu statement teh Russian aro Belarusian athletes kima etu saal laka event teh polaboleh ase koa nnai.
Boston Marathon, duniya laka dangor marathon, tai hodai pola laka moina April teh shuru kuriboleh ase joa saal khan teh COVID karneh rukhai dina thaka.
Race toh 2020 teh bon kuridishe, aro October 2021 teh choto field teh polaishe.
2019 saal, Boston Marathon teh 30,000 runners bitor teh 59 runners Russia aro Belarus para ahishe.
Russia khan khe sporting duniaya para asteh hatai deh ase Ukraine lokot hamla kureh karneh.
Football governing bodies FIFA aro UEFA khan Russia khe international competitions para hatai dishe tateh World Cup bi ase, aro organization khan Formula One khan Russia teh event bon kuridishe.
Add Comment