Champions League: Karim Benzema hat-trick karneh Real Madrid 3-1 teh jetishe Chelsea teh.

Veteran striker Karim Benzema laka hat-trick karneh aro duitah heading goal first-half minutes dhaleh karneh Real Madrid khan 3-1 teh jetishe European champions Chelsea khan kkhe tai khan laka Champions League quarter-first leg Wednesday teh.

Benzema, 34,  tai laka hat-trick maribo parishe tai Chelsea goalkeeper Edouard Mendy galti kura piche.

Kai Havertz jetiboleh olop biswas rakhishe Blues karneh tai head kurina 40^th minute teh goal dhalinah 2-1 kureh piche.  Hoilehbi Chelsea khan laka bhal khela rukhenai aro Mendy laka galti 46^th minute teh karneh Benzema ball luinah tai laka 37^th goal season karneh dhalibo parishe.

Benzema tai laka hat-trick mariboleh koshis kurishe halftime nohoa ageh teh hoilehbi bishe dur mari dishe.

Spainards khan Londoners khe harai diboleh kurishe tai khan joa season semi-final tehharai deh karneh.

Chelsea khan second half teh   koshish kurishe substitute Romela Lukaku khe 69^th minute teh kurinah hoilehbi ball six-yard box osor teh jaishe.

Homoi khotom huboleh teh Hakim Ziyech substitute ahiah 13 yards para bhal marishe.

Real Madrid khan European Champions 13 times crown kurishe hoilehbi poila ekbarbi Chelsea khe harai nai, hoilehbi etia pole position teh ase semi-finals ponchiboleh aro Manchester City nohoileh crosstown Atletico Madrid lokot khelibo.