Chirag Khilare 25 saal die-hard RCB fan tai choi ghantah lageh IPL game saboleh karneh Mumbai teh. Tai laka chehera blood-red paint teh harejai. Tai RCB laka colours tai laka goa teh lagaina thake aro doangor RCB flag dhureh hoileh jamala tateh shuru huijai. tai tinbar RCB flag luinah stadium teh jaboleh koshish kurishe hoilehbi Mumbai police manah kuridishe.
Etu IPL edition teh, police aro Indian cricket board khan khuri aro flags khan luinah manu khe maribo pareh aro ground bitor teh phikaina khelari jokom kuribo pareh karneh khuri aro flags stadium bitor teh loijaboleh mana kurishe.
Mumbai Cricket Association (MCA) kuishe pandemic nohoa ageh teh nijor franchise khan flags tai khan laka fans khe bhak kurideh hoilehbi etu bar Indian board khan etu game dhureh karneh mana kuri dishe. Manu bishe kun Mumbai laka tinta stadium Wankhede, Brabourne aro DY Patil teh match saboleh jah khan tai khan laka IPL flags stadium bahar teh rakhiboleh dishe.
Khilare tai nijor khe Viratian Chirag kuishe, tai RCB vs RR game Wankhede stadium teh tai Virat laka die-hard fan ase aro etu flag tai kharneh bishe dangor lageh laka saman ase kuilehbi jableh dehnai kuishe, aro ek ghantah opor hoda hudi kureh piche luijaboleh dishe hoilehbi ahiah bar teh naparibo kuinah kuishe Khilare.
Add Comment