Language laka zarurat.

Aji kali laka media laka hisab te khobor huna te Union Minister Amit Shah bara koishe ki sob eight North East States manu khan bara Hindi language toh class X tak compulsory kurebole agree kureshe koishe. Edia tak te saile edu laka ststement toh hosa bhi sob bara atcha koishe ne nai edu toh sob stste laka hath bara hosa laka statement toh confirm kurebo koishe. Edia tak te amekhna state te saile Nagaland state te  dinda language formula follow kure ase. Aro edu te class VIII tak Hindi compulsory ase. Aro class 9 bara 10 tak te kun batcha khan hindi shekhi boli mon jai aro hindi te interest ase edu khan sob nejor laka choice te Hindi subject opt kurebole baribo. Aro kun khan hindi lobole mon nai edu khan Alternative English nahoile (Ao/Bengali/Lotha/Sumi/Tenyidie) khan second language neshina lobole baribo. Schools te neka hindi language sekhebole karne hokum ane diya bhi biya ase kua nahoi bahal bhi ase. Kindu beshi batcha khan hindi laka language bhi ekta national language laka naam bara kali khota kurebole he nahoi, lekhebole aro buribole baribo laka bhi bahabna kurebole lakae. Kindu education system te hindi laka language toh baria tak higher education te bhi include kurele students khan karne beshi bahal hobo aro edu  kali edia karne he nahoi aha samoi karne bhi beshi beshi bahal hobole ase. Kindu bahal bara saile hindi language sekhia toh eku biya nahoi nejor karne he benefit ase. Kindu amekhan kiman khota sekhe eman nejor karne bahal ase.  Hoi beshi manu khan bara hindi ke class 10 tak compulsory kuri diya toh students khan karne academic te beshi effect hobole ase, kindu hindi tph amekhan naga manu khan karne beshi asan subject nahoi aro edu te percentage bhi maintain kurebole nabari, kindu English aro local language te toh students khan beshi bahal percentage bara pass hobole bari. Edu te thik ase hoilebe ahia samoi karne bhabna bahal bara kurele baria tak hindi toh Northest manu khan karne beshi kaam ahibole ase. Kindu edu amekhan laka National language ase aro edu sob Indian citizens khan laka sob right as eke amekhan edu khota ke importance di kina sekhebole kosish kurebole lakae.  Alak Indian states te saile students aro manu khan sob bara hindi khota toh mother tongue neshina beshi bahal bara khota kurebole bari aro kali khota he nahoi ,lekhebole bhi beshi bahal bara bari. Edu neshina Nagaland te bhi ahia samoi te amekhan manu khan sob nejor laka local dialect aro nagamese lokode hindi bhi sekhebole kosish kurele beshi bahal hobo aro kali khota he nahoi burebole baribole aro lekhebole bhi sekhibole lakae, kindu edu bara aha samoi te kude jai lebe beshi motut dibo aro central exam dibole mon ja khan karne bhi exam te, aro interview te beshi advantage bahal hobole ase. Kali edu he nahoi Central  laka kam baile India laka alka jakha sob te posting babo arole ase aro edu samoi te manu khan beshi bak English natchana bhi thaki aro edu jakha de public khan Hindi khota kura beshi lok babo , eneka samoi te bhi beshi kam ahibo kindu language tph ekjun ,laka dukh janebole karne aro issues ke buchibole karne communication thik kurebole khota bara beshi dangor role loi edu bara baria tak parents khan, education administration khan aro students khan bhi edu matter tem on di kina ahia samoi karne bhabna kuri kina hindi khota sekhebole kosish kurebole lakae.